【介紹】皮革工具@淘寶

香港買製皮革的工具比較貴，
上拍賣網買價錢都唔係平好多，
貪平唔怕麻煩就去淘寶淘落黎。
tracy就搭朋友淘寶，寄去國內的地址，
就免了到香港的運費，但辛苦了朋友家人要拿到香港。
萬分感謝！

相信大家都好擔心唔知淘寶既質素如何，
tracy今次就淘左蠟線、銀線筆、消失筆、磨邊木棒、花沖同菱斬。

蠟線(麻線)        $12
蠟線                   $14.8
銀線筆+消失筆 $2
磨邊木棒           $7
花沖                   $6.5
四菱斬               $26

夾埋運費，就港幣一百鬆D。
比香港買就平一半有多。

TRACY本以為啡色的"蠟線"係用開的質地，但摸上手原來係麻線，
明明寫了過蠟，但完全沒有上了蠟的效果，
縫起來無蠟線咁靚，但勉強可用。
唯有自己上蠟。

米色既蠟線最滿意，同用開的一模一樣，香港買10蚊先得少少，
買一卷要三四十蚊，順道淘埋。

銀線筆都ok，消失筆就有滲漏，乾左D，但都用得。

磨邊木棒質量都唔錯。

花沖就比較髒一點，其實出面買的都差唔多係咁。

四菱斬造工比較粗糙，但初學要求唔係太高都可以。

工具大致上都滿意，係tracy既角度，咁平既價錢，用到就OK了。
何況買既時候無咁大期望。XP